1.
<V.> Ave maris stella
lucens miseris.
V. Deitatis cella
porta principis.
<R°> Paradisi patens fons
tu cypressus Sion mons
peccatorum pons.
R° Patris sub umbramine
verbum caro fit per te
sacro flamine.
2.
V. Regis diadema
stola presidis.
V. Samsonis probleuma
funda Davidis.
R° Turris per quam transit gens
deum verum tenens verum ens
ne desperet flens.
R° Tu es Salomonis res
in te nostra tota spes
agitur per tres.
3.
V. Mater pietatis
parens filium.
V. Ebur castitatis
candens lilium.
R° Urna celi manans ros
ex te crevit Yesse flos
qui salvavit nos.
R° Rubus quem non urit pir
et in cuius ponit ir
se celestis vir.
