Alleluia.
<V.> O Maria rubens rosa
delicatum lilium.
<Tp.> Maria spes humilium
tu precibus humilium
humiliter intende.
Maria candens lylium
pro nobis ora filium
ac debiles defende.
Dulcis mitis et formosa
summum celi gaudium.
<Tp.> O rosa odorifera
o stella splendorifera
deduc nos ad ethera.
Alleluia alleluia
tibi canentes subleva
o dulcis maria.
Tu cella Christi lucida
tu vitis copiosa.
<Tp.> Ave sancta Christi parens
labe cuncta mortis carens
et carnis contagio.
Celi rorate de super
ut collaudemus pariter
Mariam cum filio.
Exaudi nos miseros
et ora pro nobis pia.
<Tp.> O inter spinas lilium
sis miseris auxilium
nobis ad tuum filium.
Nobis solamen tribue
nos de lacu miserie
perduc in regnum glorie.
Et perduc nos ad filium tuum Maria.
