1.
<V.> Salve regina glorie
emundatrix scorie
imperatrix celica
blande vox angelica
te piam salutavit.

V. Ave plena gracia
inquit cum leticia
archangelus Gabriel
tunc regnans emanuel
cunctorum mentes lavit.

R° Concepisti dominum
salvatorem omnium
et virgo permansisti.

R° Valde pulchrum lilium
pro salute filium
mundo contulisti.

2.
V. Gyrum celi preteris
electa  preceteris
cherubin et serafin 
invictus Benyamin
honoris vas elegit.

V. Te solaris circulus
vestivit lune globulus
pedibus subicitur
in te dum conficitur
regna cuncta qui regit.

R° Vis carnis et deitas
processit vera trinitas
eburneis a tronis.

R° Merencium solacium
summi regis palacium
thronus Salomonis.

3.
V. Tu vena scaturiens
vitam in te siciens
humectetur roribus
tu excerptis floribus
vi vim dulcorosa.

V. Porta manens aurea
virginalis laurea
finis et exordium
fer solamen cordium
sine spina rosa.

R° Tu gemma virginea
tu botrus et vinea
puritatis cella.

R° Corpore castissima
genitrix sanctissima
flagrans maris stella.

4.
<V.> O Maria flos florum flos
supplices comenda nos
canentes manentes in exilio
amabundo filio
mater et ancilla.

V. Iunge thabernaculo
celorum pinaculo
angelorum coreis
ne dampnemur cum reis
gehenne scintilla.

R° Pietatis tu mire
dies cum venerit ire
ne sis odiosa.

R° Extremo in examine
assis pio iuvamine
mater graciosa.

Amen.