O Maria
mater Christi
virgo pya
mestorum consolatrix
pauperum adiutrix
perditorum restauratrix
lapsorumque relevatrix
langwencium curatrix
nostre salutis amatrix.
Ave domina
deitatis cellula
inter omnes
feminas castissima
te petimus dele nostra facinora.
Que es celo alcior
terre lacior
stellis purior
abysso profundior
o Maria cunctis sanctis es sanccior.
O iocunda
tu es Aaron virgula fructifera
que nobis fructum vite Christum protulit.
Omnes virtutes
omnium lapidum in se continens
atque cunctarum herbarum vim retinens.
O dulcissima
dele peccamina
reprime noxia
sensus nostros visita ac flagita,
ut gaudia possideamus celica
post carnis exilium.
O Maria.
