O Maria
mater Christi
virgo pia
mestorum consolatrix
pauperum adiutrix
languencium curatrix
nostre salutis amatrix.
Ave domina
deitatis cellula
inter omnes
virgines castissima
te petimus dele nostra peccamina.
Que es celo alcior
terra lacior
stellis purior
abisso profundior
o Maria cunctis sanctis es sanctior.
O iocunda
tu es virga Aaron fructifera
que fructum nobis vite Christum protulit.
Omnes virtutes
omnium lapidum in se continens
atque cunctarum herbarum vim retinens.
O sanctissima
dele peccamina
reprime noxia
sensus nostros visita ac flagita
ut gaudia possideam<us celica
post car>nis exilium.
O Maria.
Euouae.
