Gloria in excelsis deo et in terra pax hominibus bone voluntatis.

Primus versus

1.
<V.> Dies est leticie
in ortu regali

<V.> nam processit hodie
ventre virginali

<R°> puer admirabilis
totus delectabilis
in humanitate
qui inestimabilis
est et ineffabilis
in divinitate.

Laudamus te. Benedicamus te. Adoramus te. Glorificamus te.

2.
V. Orto dei filio
virgine de pura

V. ut rosa de lilio
stupescit natura

R° quem parit iuvencula
natum ante secula
creatorem rerum
quod uber mundicie
dat lac pudicicie
antiquo dierum.

Gracias agimus tibi propter magnam tuam gloriam.

3.
V. In obscuris nascitur
illustrator solis

V. stabulo reponitur
princeps terre molis

<R°> fasciatur dextera
qui afflixit sydera
dum celos ascendit
concrepet vagitibus
qui tonat in nubibus
dum fulgur descendit.

Domine deus, rex celestis, deus pater omnipotens.

4.
V. Angelus pastoribus
iuxta suum gregem

V. nocte vigilantibus
natum celi regem

<R°> nuncciat cum gaudio
iacentem in presepio
infantem pannosum
angelorum dominum
et pre natis hominum.

Domine filii unigenite Ihesu Christe et sancte spiritus.

5.
V. Ut vitrum non leditur
sole penetrante

V. sic illesa creditur
post partum et ante;

R° felix est puerpera
cuius casta viscera
deum genuerunt
V. et beata ubera
in etate tenera
Christum lactaverunt.

Domine deus, agnus dei, filius patris. Qui tollis peccata mundi, miserere nobis.

6.
V. Orbis dum describitur
virgo pregnans ibat

V. Bethleem qui nascitur
puer qui nos scribat

<R°> in illorum curia
qui canebant gloriam
nove dignitatis
deum in sublimibus
da pacem hominibus
bone voluntatis.

Qui tollis peccata mundi, suscipe deprecacionem nostram. Qui sedes ad dexteram patris, miserere nobis.

7.
V. Criste qui nos propriis
manibus fecisti

V. et pro nobis omnibus
nasci voluisti

V. <=R°> te devote petimus
laxa quod peccavimus
ne nos introire
V. post mortem nos miseros
ne simul ad miseros
paciaris ire.

Quoniam tu solus sanctus. Tu solus dominus. Tu solus altissimus, Ihesu Christe.

8.
V. Mater tuum filium
iugiter implora

V. ut nobis remedium
sit in mortis hora

??? <R°> qui lucramur stadio
demonis incendio
caminom penali
sed accepto bravio
letemur cum filio
veste nupciali.

Cum sancto spiritu, in gloria dei patris. Amen.