1.
V. Imperatrix gloriosa
plena laudum tytulis.
V. Potens et imperiosa
canticis angelicis.
R° Iure commendaris
mater et regina
natum non g<r>avaris
tuo nos consigna
virgo mater deo digna.
2.
V. Medicina peccatorum
salus es debil<i>um.
V. Rosa vera sine spina
castitatis lilium.
R° Respice quod posco
mater summi dei
me peccasse nosco
miserere mei
consolatrix sancte spei.
3.
V. O dilecta preelecta
ffer solamen misero.
V. Castitate es electa
imple quod desidero.
R° Revoca errantem
ad viam veritatis
ad te pro clamantem
gemma castitatis
templum sancte trinitatis.
