1.
Quidam triplo metro
salutando retulit talia
que sunt curialia
domina
pro te cano carmina.

2.
De imperatrice
ffacta mere trine deitatis
chorus noster docmatis 
gaudium
psallat et tripudium.

3.
Dum ipsa conisat 
ffortiter bene bicina tunica
quasi mala punica
sic rubet
felix est cui nubet.

4.
Coma sibi fulva
mangna quoque vultus serenitas
oculorum claritas
ideo
letor dum hanc video.

5.
Dum sub umbra quercus
comedit tunc sternitur ffloribus 
humectis humeribus 
munera
ne intret <locui sui anime>.

6.
Dum comedit rumbum
tunc emisit bumbum buccellam omnibus
de rumbo pauperibus
maxime
cursu quadragesime.

7.
Dum lecto se ponit
clericus suportat psalterium
regi psallentibus omnium
cantica
devote davidica.

8.
Hec est sibi cura
sublevare crucis signaculum
frequentat oraculum
ornata virtutibus.

9.
Poli quot inula
tot habet in cultu monilia
quibus membra propria
redimit
et me magis perimit.

Et cetera.