1.
<V.> Du<l>cem celi collaudemus
virginem cum agmine
V. Omnes simul decantemus
leto modulamine
R° Regulante chorum
puella nobili
Dorothea cara
et amabili
regum orta genere
2.
V. O dulcedo pietatis
rex celorum domine
V. Temporibus qui mutatis
reples terram germine
R° Hoc inviso factum
Februario
rose dum mittuntur
a te notario
puelle date pro premio
3.
V. Eya virgo martir dei
ora Christum dominum
V. Adiutrix sis sancte spei
letum optans terminum
R° Assis in extremis
Ihesu per iuvamen
amovendo fortiter
hostium examen
tecumque letemur Amen
