1.
<V.> Omnes attendite
animadvertite
quid nam sit plangite
et mentes avertite
ab errore tali
2.
V. Strennue fortiter
imperator noster
moderni regis pater
requiescat dulciter
erat fractor mali
3.
V. Hic auxit eciam
sanctam ecclesiam
quam faciens liberam
pervenit ad patriam
imperii veri
4.
V. Exponens argenti
copiam et auri
simulque lapidum
dictum davidicum
volens adimpleri
5.
V. Voluit eciam
propter clemenciam
heresis demenciam
romanam ecclesiam
revereri et augeri
6.
V. Post cuius transitum
felicem obitum
per ma<n>us principum
regum et comitum
conatur deleri
7.
V. Illis temporibus
multis honoribus
virtutum floribus
modo iam doloribus
fertur adimpleri
8.
V. Insurgunt undique
mine insidie
fides destruitur
clerus opprimitur
papa deridetur
9.
V. Dei laus decrescit
fraus dolus succrescit
presulatus vilescit
doctoratus tumescit
vulgus deum nescit
10.
V. Monachis fratribus
et monialibus
Christi virginibus
ceteris fidelibus
vivere vilescit
11.
V. Nam status militum
clientum civium
falsis docmatibus
et perversitatibus
resistere nescit
12.
V. Clerici nonnulli
laycales populi
facti sunt scismatici
per libros heretici
Wicleff condempnati
13.
V. Pastores legales
modo sunt exules
oves errant debiles
quas pascunt inhabiles
sic plebs fit orbata
14.
V. Ululant claustrales
plangunt moniales
omnes quasi mortales
facti sunt spirituales
lex est desolata
15.
V. Rex audit et tacet
nam sibi hoc placet
ach ubi iusticia
committuntur spolia
nec est qui defendat
16.
V. Terrarum principes
reges cardinales
duces et presules
nos faciunt exules
sua religione
17.
V. Oremus dominum
patrem et filium
sanctum paraclitum
ut nostrum omnium
status dirigatur
18.
V. Coniungat omnibus
suis celestibus
ut nos ab omnibus
oppressorum manibus
semper tueatur
19.
V. Hoc metrum construxit
quidam et induxit
ut pateat omnibus
illud decantantibus
fidem fluctuare
20.
V. Licet ipsa fluctuat
tota semper permaneat
audi tu scismatice
et tu heretice
non tamen mergetur
21.
V. Plures erant scismatici
atque heretici
eandem inpungnantes
dolos eudentes
et sunt condempnati
22.
V. Omnium domine
nos velis invisere
fidem rectam dare sapere
ne virus wippere
intret corda nostra
Amen
