1.
<V.> Salve regina glorie
emundatrix scorie
imperatrix celica
blande vox angelica
te piam salutavit.

<V.> Ave plena gracia
inquit cum leticia
archangelus Gabriel
tunc regnans emanuel
mendas nostras lavit

R° Concepisti dominum
salvatorem omnium
et virgo permansisti.

Valle pulchrum lilium
pro salute filium
mundo contulisti.

2.
<V.> Gyrum celi preteris
electa  preceteris
cherubin et seraphin
invictus Benyamin
honoris vas elegit.

<V.> Te solaris circulus
vestivit lune globulus
pedibus subicitur
in te dum conficitur
qui regna cuncta regit.

R° Vis carnis et deitas
processit vera trinitas
eburneis a tronis.

Merencium solacium
summi regis pallacium
tronus Salomonis.

3.
W. Tu vena scaturiens
vitam in te siciens
humectetur roribus
tu excerpta floribus
una dulcorosa.

<V.> O porta manne aurea
virginitatis laurea
finis et exordium
fer solamen cordium
sine spina rosa.

R° Pietatis tu mire
dies cum venit ire
ne sis odiosa.

R° Extremo in examine
assis pio iuvamine
virgo gloriosa.

4.
W. O Maria flos florum flos
supplices commeda nos
nates in exilio
amabudo filio
mater et ancilla.

W. Iunge tabernaculo
celorum pinnaclo
angelorum choreys
ne dapnemur cum reis
mater graciosa etc.

<R° >