1.
<V.> Ihesus Cristus nostra salus
quod reclamat omnis malus
nobis sui memoriam
dedit in panis hostiam.

2.
<V.> O quam sanctus panis iste
tu solus es Ihesu Christe
caro cibus sacramentum
quo nunquam maius inventum.

3.
<V.> Hoc donum suavitatis
caritasque deitatis
virtus et eukaristia
comunionis gracia.

4.
<V.> Ave deitatis forma
dei unionis norma
in te quisque delectatur
qui te fide speculatur.

5.
<V.> Non augetur consecratus
nec consumptus fit mutatus
nec divisus in fractura
plenus deus in statura.

6.
<V.> Non est panis sed est deus
homo liberator meus
dum in cruce pependisti
et in carne defecisti.

7.
<V.> Esca digna angelorum
pietasque lux sanctorum
lex moderna approbavit
quod antiqua figuravit.

8.
<V.> Salutare medicamen
peccatorum relevamen
pasce nos a malis leva
duc nos ubi est lux vera.

9.
V. Ach quam magna tu fecisti
dum te Christe impresisti
panis et vini specie
effancium in facie.

10. Caro cibus sangwis potus
manet tamen Christus totus
cui sit laus et gloria
in seculorum secula.

Amen.