Alleluia.
O Maria
mater Christi
virgo pia
mestorum consolatrix
pauperum adiutrix
perditorum restauratrix
nostre salutis amatrix.
Ave domina
deitatis cellula
inter omnes
feminas castissima
te petimus nostra dele peccamina.
Regina celi inclita
ex nobili prosapia
corona castitatis.
Alleluia alleluia
tu sola plena gracia
tu sidus caritatis.
Que es celo alcior
terra lacior
stellis purior
abisso profundior
o Maria cunctis es sanctis sanctior.
Aurora fulgens lucida
tu stella maris Maria
tu mater pietatis.
Omnes virtutes
omnium lapidum in se continens
atque cunctarum herbarum vim retinens.
O iocunda
tu es Aaron virgula fructifera
que nobis Christum fructum vite protulit.
O dignissima
dele peccamina
reprime noxia
sensus nostras visita flagitta
ut gaudia percipiamus celica
sancta Maria.
