1.
<V.> E morte pater divinus
velud modus leoninus
clamans excitat filium
V. Exurge mea gloria
nam passus es pro scoria
pacienter humilium
R° Armonice symphonizemus
lympidius contractemus
per tempora paschalia
magna gaudia
decantantes alleluya
2.
V. Hinc maria magdalena
primeva gaudia plena
revelat Christi fratribus
V. Ligno qui crucis aruit
nunc quid vivus apparuit
in lymbo sanctis patribus
R° ut supra
3.
V. A contactu iugis mortis
nos conserva leo fortis
nunc tibi confidentibus
V. In celis dona superna
pie tuque guberna
a malis iminentibus
R° ut supra Armonice
