1.
<V.> Ave trinitatis cubile
Ave castitatis sedile
plenum gracia
V. Ave nocivorum fugatrix
ave peccatorum ...trix curatrix
culpe nescia
R° Opifex qui regis
summa et infima
te matrem sibi preelegit
o sanctissima
R° Maria te rogamus
succurre ne petamus yma
R° atque scelus iniquum
expurga et antiquum zyma
2.
V. Caro et natura mirantur
quare in te iura mutantur
mirabilius
V. Virgo singularis in prole
luna plus probaris a sole
lucens clarius
R° Nulla prelibatur
tibi matrum prima
similis nec te committatur
benignissima
R° ut supra Maria
3.
V. Protege benigna tu gentem
salva benedic et egentem
redde filio
V. et non conscii accusatrix
sed tu nostra sis advocatrix
in exilio.
R° Gemma mulierum
in die ultima
te laudantem
respice clerum
clementissima.
R° Maria te rogamus.
