Audi tellus audi magni maris limbus
audi omne quod vivit sub sole.

Huius mundi decus et gloria
quam sit falsa quam transitoria.

Protestantur hec temporalia
non in uno statu manencia.

Nichil valet regalis dignitas
nichil valet honoris quantitas.

Nullum salvat genus nec species
nulli prodest auri congeries.

Nil arcium valet profunditas
neque diis falsa divinitas.

Transierunt ut rerum materies
ut liquescit a sole glacies.

Transierunt leges mortalium
in unius dei (sic; diei) spacium.

Ubi Plato ubi pompeius
ubi Porrus aut ubi Darius.

Ubi Cesar ubi Virgilius
ubi Flaccus ubi Porhpilius.

Allexander rex ubi maximus
ubi Hector Troye fortissimus.

Ubi nero princeps fortissimus vilissimus
Aristotiles ubi doctissimus.

Ubi Sampson dux potens virilis
ubi Salomon gloza sapiencie.

Avicenna ubi et Averois
comentator ubi et Seneca.

Cum Elena Paris pulcherimus
ac Achiles ubi magnanimus.

Ceciderunt in profundum ut lapides
quis scit si datur eis requies.

Sed tu Criste rector fidelium
fac te nobis pie propicium.

Dum de malis fiet iudicium.

In die illa.