Sol nascitur de sydere
vergente mundi vespere
mirifice dum virgo fecundatur verbum humanatur.
Ros cernitur in vallere
fructus in virga germine
deifice dum verbum humanatur virgo fecundatur.
O qualis es et quantus es
quam parvus natus deus
quam magnus es quam potens est
quem parit virgo pura.
Mirabilis hec unio
carnis cum dei filio
consilio obstupescit humana natura.
O trinitatis cella
pudoris lilium
pro nobis interpella
dilectum filium
ut tua prece pia
<tribu>at Maria
celeste premium.
O virgo singularis
salus errancium
tu mater appelaris
in te sperancium
adesto mortis hora
custodi nos aurora
dans vite gaudium.
O Maria.
