1.
Ave non Eve meritum
sedentes ad interitum
Maria sic affatur.

Maria nata grata
offerens se galaxia
vagienti gratuletur

cetus fidelis virginis
qui meritis iuvatur
virgo querens ab angelo
quid wlt hec salutacio
Maria sic turbatur.

2.
Gracia plena spiritus
sanctus in te divinitus
descendit ne turbaris.

Virtus ad hec altissimi
tibi obumbrabit cara mi
gracia sic repleris.

Ecce ancilla domini
verbum tuum salvetur
in me pya ne timeas.
ympnum decoris auferas
sanctum ex te nascetur.

3.
Dominus tecum hodie
victricem manum porrige
benedicta tu rosa.

Rorans in mulieribus
succurre tuis gentibus
ne tardes speciosa.

Et benedictus
fructus ventris tui levamen
omni reatu conferat
verbum tuum refferat
opus honoris. Amen.

[Digna laude]

Tu vocaris
maris stella
rite vite
datrix satrix
boni super quo
pro nobis o
tu maria Christum deprecare

dari genti
flenti gaudi-
orum quorum
stude trude
procul mortis fel
el funde mel
ut possimus te digne laudare.

O Ma<ria.>