1.
Mater bonitatis
Maria virgo potum da
de fonte pietatis.
Nos sicientes sacia
orando tuum filium
auxilium
ut nobis condonet.
Maria mediatrix
pia dei et hominum.
Maria auxiliatrix
tu sis pro nobis omnibus.
Maria reparatrix dos
celi et flos
dulciter redolens.
Maria illuminatrix
nostras tenebras mencium
illustra largiatrix
ut valeamus rite
laudare Christum dominum.
Maria adiutrix hominum
da nobis
possidere regnum vite.
2.
Maria ad salvandum
nos Noe arca federis.
Maria ad letandum
tu sis pro nobis omnibus.
Maria Christi cellula
viscellula
Moysi nuncuparis.
Maria virga Aaron
que arida tunc floruit.
Maria dum pro nobis
filium virgo peperit.
Maria funda utilis
per quam David
Goliam destruit.
Maria Gedeonis
vellus de celo radium.
Maria Salomonis
vera dilecta nata.
Maria porta clausa stans
Ezechielis adorans
pro nobis
dei genitrix beata.
3.
Maria dei cella
in qua Christus recubuit.
Maria maris stella
que suis semper splenduit.
Maria virgo Christi dos
protege nos
tutrix piissima.
Maria mundi mella
fac nos semper despicere.
Maria ad procella
ne Sathan ducat misere.
Maria virgo prohibe
da vincere
tecum sanctissima.
Maria copiosa
nobis prodesse poteris.
Maria virgo gloriosa
tuum implora natum
ut det nobis miseris
regnum eternum in celis
Maria
virgo per securum statum.
O Maria.
