Ave spes et salus infirmorum
desperatorum revocatrix.
Salve fax celestis luminosa
tu copiosa consolatrix.
Laude plus laudabilis
celique terre gyro dominaris.
Virgo venerabilis
matri que sine viro nuncuparis.
Summi regis nostri plasmatoris
sedes amoris trinitatis.
Oberati symus in hac vita
virgo Maria male stamus.
In peccatis multum constituti
per te soluti ut fiamus.
Da tuo iuvamine
delectamenta carnis superare.
Ut sine gravamine
die novissima queamus stare
coram iusto iudice congaudendo
et non flendo cum dampnatis.
Hoc perpendat homo mundi levis
hec vita brevis cito cedit.
Mors perhennis post hanc imitatur
non terminatur malos ledit.
Curta delectacio
peccantibus suavis reputatur.
Longa castigacio
pro hoc est in inferno preparata.
A qua nos digneris custodire
Maria fac nos ire cum beatis.
O Maria.
