1.
Quidam triplo metro
salutando retulit talia
que sunt curialia
domina
pro te canunt carmina.

2.
De imperatrice
facta mere trina deitate
noster chorus dogmate
cantica
psallat et tripudium.

3.
Dum illa chorisat
fortiter bombicina tunica
velut mala punica
sic florent
felix est cuilibet.

4.
Dum sub umbra quercus
comedit et sternitur floribus
variis coloribus
nimiam
capit hanc leticiam.

5.
Dum ciphum attingit
quod bibit hoc ministrat aliis
ut semper vult in noxiis
psallere
atque lete unire.

6.
Coma sibi fulva
magna quoque vultus formositas
oculorum claritas
ideo
letor dum hanc video.

7.
Pili quot in mulo
tot habet in cultu monilia
per que membra propria
redimit
pro me iunge perimit

8.
Dum se lecto ponit
clericus supportat psalterium
canens regi omnium
cantica
devote davitica.

9.
Tunc est tibi cura
sublevare crucis signaculum
frequencius oraculum
ideo
benedicamus domino.