1.
O filii ecclesie
deplangite mecum hodie
scisse petre aperte sunt
monumentorum ianue
pre amaritudine
passionis {nem} dilecti filii
deplangentis marie

Y<mn>us Rex Criste factor o<mnium> canuntur versus vicissi<m>

2.
O dolor inefabilis
cum salus humani generis
fit precium sanguinis
qui fuerat spes hominis
nam doluit pro nobis
offerens semetipsum reprobis
factus est paciens ut ovis

3.
O quantus luctus virginis
et fletus in discipulis
cum dominus presidis
preceptis paret et iudicis
o pater magnanimis
inmensum opus tue caritatis
natum tradis nos redimis

4.
O homo pro te agitur
quod Cristus ad mortem ducitur
obediens patitur
cui laus et potestas datur
conspuitur ceditur
sputo spinis et hasta figitur
Cristus sic mori cernitur

5.
O Iuda ductor sceleris
et compos falsi federis
dum turpitur egeris
nec veniam perceperis
ve tibi ve miseris
misere torqueberis in inferis
regnante filio virginis

6.
O vos Iudei perfidi
qui Christum necastis impii
qui de terra Egipti vos vocavit
tamquam sibi pavit
pane celesti
sed nec pepercistis ei miseri
dum obisset nexus cruci

7.
O fratres Iude plangite
quod Cristum necastis hodie
peccata iam fugite
corda vestra corrigite
ut deus rex glorie
det vobis veniam percipere
et secum in celis vivere