1.
<V.> Nunc angelorum gloria
hominibus
resplenduit in mundo
<V.> Quam celebris victoria
recolitur
et corde letabundo
R° Novi partus gaudium
virgo mater produxit
et sol verus in tenebris illuxit
<R° Hec ergo cum gaudio>
2.
<V.> Per magnum nomen domini
emanuel
quod est nobiscum deus
<V.> Culpe datur homini
remisio
letetur homo reus
R° Redemtori domino
et redemti iubilemus
hec est dies et annus iubileus
<R° Hec ergo cum gaudio>
3.
<V.> Pastores palam dicite
in Bethleem
quem genuit maria
<V.> Quem virtutes uranice
concinunt
celestis armoniam
R° Lux de luce claruit
pace iam reformata
et genitrix permansit ilibata
R° Hec ergo cum gaudio
festa celebremus
et ipsam cum parvulo
Mariam salutemus
