1.
<V.> Dies est leticie
in ortu regali

<V.> nam processit hodie
de ventre virginali

R° Puer admirabilis
totus delectabilis
in humanitate
qui inestimabilis
est et inefabilis
in divinitate

2.
<V.> Orto dei filio
virgine de pura

<V.> ut rosa de lilio
stupescit natura

R° Quem parit iuvencula
natum ante secula
creatorem rerum
quod uber mundicie
dat lac pudicicie
antiquo dierum

3.
<V.> Mater hec est filia
pater hic est natus

<V.> quis audivit talia
deus homo natus

R° Servus est et dominus
qui ubique cominus
nescit comprehendi
presens est et eminus
stupor ille geminus
nescit comprehendi

4.
<V.> In obsscuris nascitur
illustrator solis

<V.> stabulo reponitur
princeps terre molis

R° Fasciatur dextera
qui illuxit {affixit} [m. post] sidera
dum celos ascendit
concrepet vagitibus
qui tonat in nubibus
dum celos {fulgur} [m. post] ascendit

5.
V. Angelus pastoribus
iuxta suum gregem

<V.> nocte vigilantibus
natum celi regem

R° Nuncciat cum gaudio
iacentem in presepio
infantem pannosum
angelorum dominum
et pre natis omnium
forma speciosum

6.
<V.> Ut vitrum non leditur
sole penetrante

<V.> sic illesa creditur
virgo post et ante

R° Felix hec puerpera
cuius casta viscera
deum genuerunt
et beata ubera
in etate tenera
Christum lactaverunt

7.
<V.> Orbis dum describitur
virgo pregnans ibat

<V.> bethleem qui nascitur
{puer qui} nos scribat

R° In illorum curia
qui canebant gloriam
nowe dignitatis
deuso in sublimibus
dat pacem hominibus
nowe bone voluntatis

8. [m. post]
{W. Mater tuum filium
iugiter implora

<V.> ut nobis remedium
fit in mortis hora

R° Qui luctamur stadio
ne demur incendio
camino penali
sed accepto bravio
letemur cum unio
festo nupciali.

Christe qui nos propriis ut supra}

9.
<V.> Christe qui nos omnibus propiis
manibus fecisti

<V.> et pro nobis omnibus
nasci voluisti

R° Te devote petimus
laxa quod peccavimus
ne sinas perire
post mortem nos miseros
ne simul ad infernos
paciaris ire