1.
<V.> Ihesus Christus nostra salus
quod reclamat omnis malus
nobis sui memoriam
dedit in panis hostiam

2.
<V.> O quam sanctus panis iste
tu solus es Ihesu Christe
caro cibus sacramentum
quo nunquam mayus inventum

3.
<V.> Hoc donum suavitatis
karitasque deitatis
virtus et eukaristia
comunionis gracia

4.
<V.> Ave deitatis norma
dei unionis forma
in te quisque delectatur
qui te fide speculatur

5.
<V.> Non est panis sed est deus
homo liberator meus
qui in cruce pependisti
et in carne defecisti

6.
<V.> Non augetur co<n>secratus
inconsumens fit mutatus
nec divisus in fractura
plenus deus in statura

7.
<V.> Esca digna angelorum
pietatis lux sanctorum
lex moderna comprobavit
quod antiqua figuravit

8.
<V.> Salutare medicamen
peccatorum relevamen
tibi sit laus et gloria
per infinita secula

9.
<V.> O quam magna tu fecisti
dum te Christe impresisti
panis vini in specie
offancium in facie

10.
<V.> Caro panis sangwis vinum
est misterium divinum
cui laus est et gloria
in seculorum secula

R° Eya iubilantes
wltum attolite
nostro creatori
simphoniis ymnidicis
Christum zelate etc.