1.
<V.> Ave sanctissima regina
gracia divina
quam trina
beavit
ante nec post creavit
maiorem te

W. Te rex regum deus deorum
dierum multorum
pro morum
virtute
sponsam in senectute
traxit ad se

R° Mira res angelum emiserat
tantum placuisti
plena es gracia qui dixerat
verbo concepisti
virgo permansisti
dixisti
secundum
verbum tuum iocundum
fiat in me

2.
W. Salve lux patrum prophetarum
glosa scripturarum
multarum
serata
porta perambulata
ezechiel

W. Sicut rubus non concrematus
moysy flammatus
servatus
paris
mater nescia maris
per gabriel

R° Aaron arens virgo floruit
non nature more
gedeon vellus mire maduit
de celesti rore
sic salvo pudore
dolore
semoto
viro gignis ignoto
emanuel

3.
W. Vale hester per te iudeum
salvat mardocheum
rex regum
comprehendit
ferox Amon suspendit
pro scellere

W. Iudith ut caput olofernis
qui preest infernis
prosternis
volentem
superbe iuda gentem
et te perdere

R° Salomon regis potentissimi
mater nuncupata
in syon sedentis altissimi
dextris sociata
nobis advocata
maria
virgo clemens et pia
nos protege