1.
<V.> In hoc festo domino
omnes cum tripudio
omnes cum tripudio
odas resonemus

W. Quem non sinit canere
miro cantu colere
<miro cantu colere>
ordo supernorum

R° Qui de suo solio
pro nostro subsidio
pro nostro subsidio
luxitque in seculo

2.
W. Quem non cessat dicere
et ore predicere
<et ore predicere>
cetus logicarum

W. Ens supremum encium
rerum atque gencium
<rerum atque gencium>
creator celorum

<R° Qui de suo solio>

3.
W. Pneuma artificio
quod non capit racio
<quod non capit racio>
mire ordinavit

W. Ex patris consilio
mistico officio
<mistico officio>
verbum incarnavit

<R° Qui de suo solio>

4.
W. Tremens virgo percipit
paranimphi suscipit
<paranimphi suscipit>
cum pudore sonum

W. Regem regum concipit
mox gravari incipit
<mox gravari incipit>
regina celorum

5.
W. Verna chohors celica
laudat dos angelica
<laudat dos angelica>
infantulum natum

W. Stupet ars iam phisica
cernens tam mirifica
<cernens tam mirifica>
deum humanatum

<R° Qui de suo solio>