1.
<V.> In laudem Marie
tendo depromere

<V.> laudesque decantare
tam dulci virgini

<R°> Que Christum concepit
vi sacri flaminis

semenque non recepit
nature fragilis

2.
W. Hec ut rosa florem
currente tempore

<V.> suavem dat odorem
servato pudore

<R°> Celi profusa rorem
aurora rutilans

fer miseris solamen
hec dona propinans

3.
W. Ewe nomen mutatum
dictum fuit ave

<V.> antidotum salutis
donumque suave

<R°> Quod nunciavit digne
dei archangelus

et suscepit benigne
hec dei thalamus

4.
W. Natura miratur
ventris tui fructum

<V.> que sine patre paris
de celo edictum

<R°> donante deo patre
mi<sericordi>e

que sola reparavit
nostre miserie

5.
W. Dum serpens antiqus
adam defraudavit

<V.> totum genus humanum
morsu malo stravit

<R°> Hec gestando Christum
totum reparavit

portas eterne vite
nobis reformavit

6.
W. Sole es presignata
vitrum penetrante

<V.> post partum virgo manes
sicut es ante

<R°> Vellus Gedeonis
te presignavit

quam super omnes celos
deus exaltavit

7.
W. Logici mirantur
stupent naturales

<V.> quod tu ens indivisum
sic comprehendens

<R°> quod erat immensum
et ante secula

sit manens eternum
et regens ethera

8.
V. O Ihesu prece matris
confer celestia

<V.> da frui summi patris
post hec terrestria

<R°> Qui cum deo patre
santoque flamine

sic reges in eternum
sine iuvamine