1.
<V.> Stupefactus inferni dux
abhoruit penarum trux
quando venit vexilli dux
cuius lux
egentibus
in umbra mortis sedentibus
attulit leticiam.

2.
W. Virtute leo propria
quamvis carens inhercia
deitatis solercia
tercia
die mortis
victor resurgens a mortuis
nesciens tristiciam.

3.
W. Idem erat in numero
qui crucem tulit humero
legaliter post penas tot
aliquot
diebus plus
conversatus hominibus
docuit leticiam.

4.
W. Regna frangens thartarea
carnis solvens mortalia
de sepulcro cum gloria
magnaque
victoria
summa resurgens cum laudibus
implevit nos gaudio.

5.
W. Letetur cum facesia
sancta mater ecclesia
Christi rigata flumine
nomine
qui micuit
novamque legem instituit
ordine Melchisedech.

6.
W. Ergo propter memoriam
triumphi quoque gloriam
benedicamus lilio
filio
deifico
nobisque bella neofito
vincere Analech.