1.
<V.> Resurgenti colletemur
pace grata iocundemur
et resonet presonorus
alleluia noster chorus.
R° O victor mortis strenue
ab hostibus nos erue
alleluia alleluia.
W. Hec est dies leticie
qua surrexit rex glorie
laudemus unigenitum
matris Marie filium.
2.
W. Hic assumsit dotes gratas
quas invisit sic conatas
claritatem fulgentem
et opaca evellentem.
W. In mortali statu cultus
manens tamen hic sepultus
passibili pulsa norma
beatorum mansit forma.
<R° O victor mortis>
3.
W. In subtili carne tali
surgens Christus eternali
gravitate omni mota
agilitatis plausit vota.
W. Fflenti paruit Magdalene
in ortulani specie
pasca nostrum instituit
dum redivivus claruit.
R° ut supra O victor mortis ut supra.
