1.
W. Patris sapiencia
veritas divina
Christus homo captus est
hora matutina.

2.
<V.> A suis discipulis
notis derelictus
Iudeis est venditus
traditus et aflictus.

3.
W. Hora prima ductus {est
Ihesus} ad Pilatum
falsis testimoniis
multum acusatum.

4.
W. In collum percuciunt
fascia ligatum
conspuentes faciem
ut est prophetatum.

5.
W. Crucifige clamitant
hora terciarum
illusus induitur
veste purpurarum.

6.
W. Caput eius pungitur
corona spinarum
fert trabem in humeris
ad locum penarum.

7.
W. Hora sexta Ihesus est
cruci conclavatus
pre tormentis siciens
felle saturatus.

8.
W. Pendens cum latronibus
eis reprobatus
sinister eum reprobat
latro sceleratus.

9.
W. Hora nona dominus
Iesus expiravit
Heli clamans animam
patri commendavit.

10.
W. Eius latus lancea
miles perforavit
tunc terra contremuit
et sol obscuravit.

11.
W. De cruce deponitur
hora vespertina
fortitudo latuit
in mente divina.

12.
V. Talem mortem subiit
vite medicina
heu corona glorie
iacet hic supina.

13.
W. Hora completorii
datur sepulture
corpus Christi nobile
vite spes future.

14.
W. Conditur aromate
inplentur scripture
iugiter sit memoria
mortis Ihesu tue.

15.
W. Has horas canonicas
cum devocione
tibi Christe recolo
pia racione.

16.
W. Et sicut tu passus es
penas in agone
fac ut celi consortes
simus tue corone.