1.
<V.> Ave rubens rosa
virgo speciosa

<V.> Ihesu Christi tu es
mater graciosa.

R° Peccatorum nostrorum
ne sis odiosa

sis  interventrix nostri
ut evadamus rostri
inimici nostri.

2.
W. Salve ardens rubus
nichil concrematus

<V.> per quam rex celorum
in mundum est natus.

<R°> Qui sibi te elegit
sponsam virtuosam

dominam angelorum
terre et polorum
omnium regnorum.

3.
W. Eya virga Yesse
virens et florida

<V.> munda corda nostra
nimium arida

R° ne sinas nos perire
morte quoque dire

ut crimen evadentes
gloriam tibi dantes
in celis canentes.

4.
W. Valle imperatrix
nostra advocatrix

<V.> virtutum amatrix
munerum es datrix.

R° Splendens urna aurea
porta es reclusa

per spiritum aperta
sanctum fuisti certa
nunccio reperta.

5.
W. Probleuma Sampsonis
tu funda Dawidis

<V.> victoriam aufers
iniquis validis.

R° Tronus es Salomonis
ornata coronis

lilium virginale
odorosum crinale
o flos estivale.

6.
W. In extrema hora
excitat filium

<V.> cum maxima turba
<sanctorum> milium.

R° Subvenite pro nobis
vestris piis donis

ut per vestrum iuvamen
ne nos grave examen
deo demus. Amen.