1.
<V.> Angelus ad virginem
Christi destinatur

<V.> per quem incarnacio
sua nuncciatur.

<R°> At virgo dum sedula
voce salutatur

admirande seriem
rei percunctatur.

2.
<V.> En te inquit spiritus
sanctus fecundabit

<V.> tibique altissimi
virtus obumbravit.

<R°> Pariesque filium
quem gens adorabit

<V.> eique perpetuum
pater regnum dabit.

3.
V. Ad consensum virginis
mox huc descendisti

<V.> et pudici pectoris
templum elegisti.

R° Virginis purissime
cellam introisti

qua nostre substancie
carnem assumsisti.

4.
V. Et quem virgo peperit
virgo parit natum

<V.> pudoris signaculum
servans illibatum.

R° Neque inde tollere
matris celibatum

non decet vas flosculi
esse defloratum.

5.
V. Quasi tabernaculum
hunc inhabitavit

<V.> ventris habitaculum
rex regum intravit.

R° Armis decentissimis
quibus hostem stravit

pugnaturus propter nos
ibi se armavit.

6.
V. Patrem sua filia
sine passione

<V.> gignit non preambula
viri mixtione.

R° Sed ex sola spiritus
fecundacione

partus sine phisici
fit condicione.

7.
V. Eya nunc o domina
nos tibi canentes

<V.> ymnorum hec carmina
choro assistentes.

R° Precamur ut filius
tuus sic placetur

per te quod post exitum
nobis regnum detur.

Amen.