1.
<V.> Ave yerarchia
celestis et pia
dei monarchia
respice nos dya
ut erigamur
errantes in via.

2.
V. Maria beata
doce nos mandata
nostre legis grata
fac servare <rata>
virgo nobilis
et intemerata.

3.
V. Gracia divina
de superna syna
virginum regina
veniam propina
tu celerius
aurem huc inclina.

4.
<V.> Plena dulcorosa
dona fer annosa
nostre legis glosa
ne sis odiosa
te petentibus
mater graciosa.

5.
<V.> Dominus plasmavit
Adam qui peccavit
quod malum piavit
quando te vocavit
et in utero
te sanctificavit.

6.
V. Tecum tunc redemit
mundum quem exemit
Zabulon qui fregit
nobis quod ademit
ut nos aleret
postea redemit.

7.
<V.> Benedicta sola
de superna scola
deitatis stola
nos a fece cola
nostri criminis
purgatrix et mola.

8.
V. Inter mulieres
tu sola adheres
deo velud heres
quod manum teneres
primogenita
quibus nos impleres.

9.
<V.> Ventris tui fructus
celitus aductus
per patrem instructus
et in mundum ductus
carnem summere
postea reductus.

10.
<V.> Benedictus digne
pneumatis in igne
verbum per insigne
quod tibi benigne
missus Gabriel
nuncciavit digne.

11.
<V.> Tuum per iuvamen
patris natus flamen
det nobis solamen
iudicis examen
ne nos terreat
sed salvet nos amen.