1.
<V.> Gaude regina glorie
que polos transis hodie
preagmine celestium.
Versus Gaude quod tua facies
illustrat celi acies
ut mundum sol ex radio.
R° Gaude cui obediunt
et revereri siciunt
te angeli obsequio.
2.
V. Gaude quod tota trinitas
et velle tui unitas
sunt unum in arbitrio.
V. Gaude deo vicinior
secum in posse pocior
in summo sedens solio.
<R° Gaude cui obediunt>
3.
V. Gaude quod sanctos superas
in hoc quod Cristo imperas
tu potens mater filio.
V. Gaude quod tui servuli
post finem huius seculi
quo vis fruantur premio.
R° Et nos de tali gaudio
accensi zelo nimio
benedicamus domino.
