1.
<V.> Imperatrix gloriosa
plena laudum titulis.
V. Potens et imperiosa
canticis angelicis.
<R°> Iure comendaris
mater et regina
nato non gravaris
tuo nos consigna
virgo mater deo digna.
2.
V. O dilecta preelecta
fer solamen misero
V. Castitate es electa
imple quod desidero.
R° Respice quod posco
mater dei veri
me peccasse nosco
miserere mei
consolatrix sancte spei.
3.
V. Medicina peccatorum
salus es debilium.
V. Rosa florens <sine> spina
castitatis lilium.
R° Revoca errantem
ad viam veritatis
ad te proclamante
gemma castitatis
templum sancte trinitatis.
