1.
Omnes christicole
mentes advertite
statum mundi cernite
mox ex hoc perpendite
messem esse prope.

2.
Fides katholica
orthodoxa ecclesia
papa cum suis fratribus
ac dominis presulibus
simulque totus clerus.

3.
Heu male despicitur
dum per vim subicitur
seculari gladio
in mundi huius stadio
aufertur honor deo.

4.
Montibus perlucidis
sol abstraxit radium
que nunc a convallibus
humiliumque cordibus
credo recessurum.

5.
Fides fugit Asiam
dereliquit Affricam
exul est Bohemie
simulque Moravie
in finibus Europe.

6.
His iam in confinibus
diversis scismatibus
variis heresibus
perversis dogmatibus
errores renovantur.

7.
Error ibi Arrii
simul et Nestorii
malicia Eunomii
scelus Macedonii
Euticis perversa.

8.
Pelagii malicia
Ebeonite nequicia
Wikleph ibi stulticia
Hiis simul maleficia
ac heresi perversa.

9.
Anno millesimo
quatercentesimo
additoque decimo
orta est hec scissio
in Pragensi clero.

10.
Stipes huius heresis
cum suis fallaciis
est Wikleff auctor sceleris
degens nunc in inferis
cum dogmate perverso.

11.
Ex quo mox exortus est
Iohannes de Husinecz
Iohannesque Biskupecz
Nicolaus Kunratecz
Christiannus Iacobellus.

12.
Hec sunt primogenita
in ista malicia
que sanctorum monita
cum sua nequicia
noverunt postergare.

13.
Ex quibus post orti sunt
qui hanc sectam astruunt
et veritatem nesciunt
sanguineque siciunt
hoc est genus perversum.

14.
Koranda Iheronimus
Sigismundus Stephanus
Symon dyczin Secula
trysna uhlerz Cardinal
Nicolaus ssydlak.

15.
Hii de stirpe Chanaan
pater quorum est sathan
genuit quos Gezabel
Czert gymi wladne y diabel
in regno achirontis.

16.
Michal mnyssek nedopil
Nicolaus netrpiel
Andreas nedostrczil
simul Petrus vtorzil
Paulus desperatus.

17.
Hii regnant in etheris
sicut cancer in aquis
quorum hic memoria
sine omni gloria
non est laude digna.

18.
Homicida Procopius
profugusque monachus
Nicolaus figulus
hawlico atque cecus
Bartussekque rasus.

19.
Hii sub sathane coma
manducant Tantali poma
ubi nulla sunt bona
accipiunt sua dona
cum ignea corona.

20.
Petrus laban Ssilhak
Kyczel Matiass sequart
Franiek wlk Burda
kotlik sisska mnyssek
bezmuda Iohannes Sekmanek.

21.
Horum iam recensita
maledicta nomina
sunt in baratro nota
quorum signacio tota
est maledictio plena

22.
Patek lupacz Borotin ten
samorostli z kurwy sin
Engliss Iemnicz s Matiegem
holy s malim Procopem
genz gsu ssli s bubenczem.

23.
Hii propter insaniam
noti per Bohemiam
illustrem provinciam
per suam nequiciam
errore repleverunt.

24.
Horum iam novissimus
Rokyczana pessimus
panista scelestissimus
ribaldus astutissimus
heresim defendit.

25.
Huius namque caudula
sequax est apostata
sequitur hunc Mathiass
Procopiusque shrn rubass
Wenceslaus de zderaz.

26.
Hii ambulant in griseis
tunicis capuciis
cum longis liripipiis
in sumitate verticis
cusinos deferentes.

27.
Romanam ecclesiam
asserunt adulteram
papam Christi vicarium
et cetum cardinalium
pseudo nominantes.

28.
Omnes hii articulos
Hus Wikleph erroneos
dicunt salutiferos
Christi legi consonos
false condempnatos.

29.
Heu caput nostrum cecidit
quod huic heresi restitit
Ladislaus occubuit
sic totus orbis doluit
de tanti regis morte.

30.
O Ihesu rex in ethere
in brachio potencie
nutu tue clemencie
in regno hoc Bohemie
fidem tuam defende.

31.
Mater misericordie
pietatis et gracie
nobis fer spem venie
in valle hac miserie
brachiumque extende.

32.
Omnes devote anime
vestro posco iuvamine
errorem hunc ut valide
deus misericordie
conculcet exorate.

Amen.