1.
<V.> Angelus ad virginem
Christi destinatur

<V.> per quem incarnacio
tua nuncciatur.

R° At virgo dum sedula
voce salutatur

admirandam seriem
rei percunctatur.

2.
V. En te inquit spiritus
sanctus fecundabit

<V.> tibique altissimi
virtus obumbrabit

R° pariesque filium
quem gens adorabit

eique perpetuum
pater regnum dabit.

3.
<V.> Ad consensum virginis
mox huc descendisti

<V.> et pudici pectoris
templum elegisti.

V. <R°> Virginis purissime
cellam introisti

quem nostre substancie
carnem assumpsisti.

4.
<V.> Ventris habitaculum
rex regum intravit

<V.> quasi thabernaculum
hec inhabitavit.

V. <R°> Migraturus propter nos
ibi se armavit

armis decentissimis
quibus hostem stravit.

5.
<V.> Pudoris signaculum
servans illibatum

<V.> et quem virgo concepit
virgo parit natum.

R° Non decet vas flosculi
esse defloratum

neque inde tollere
matris celibatum.

#
6.
<V.> Patrem sua filia
sine passione

<V.> gignit non preambula
viri mixcione.

<R°> [om.]

7.
<V.> Eya nunc o domina
nos tibi canentes

<V.> ympnorum hec carmina
choro assistentes.

R° Precamur ut filius
tuus sic placetur

per te post et exitum
nobis regnum detur.

Amen.