1.
<V.> Ave castitatis cubile
ave trinitatis sedile
plena gracia.

<V.> Ave viciorum fugatrix
ave peccatorum purgatrix
culpe nescia.

R° Opifex qui regit
summa et infima
te matrem sibi preelegit
o piissima.

<R° = Refrain> Maria te rogamus
succurre ne petamus yma
atque scelus antiquum
expurga et antiquum zima.

2.
<V.> Virgo singularis in prole
luna plus probaris a sole
lucens clarius.

<V.> Caro et natura mirantur
quare propter te iura mutantur
mirabilius.

<R°> Nulla prelibatur
tibi matrum prima
nec similis committatur
o dulcissima.

<R°> Maria te <rogamus> etc.

3.
<V.> Protege benigna tu gentem
salva benedic et egentem
redde filio

<V.> et non contra nos accusatrix
sed nostra sis advocatrix
in exilio.

R° Gemma mulierum
in die ultima
te laudantem
respice clerum
o sanctissima.

<R°> Maria <te rogamus>.

4.
<V.> Ora mater Christi tu deum
ut nece tristi per eum
simus liberi

<V.> et in mundo nunquam turbati
sed celesti simus vocati
regis pueri.

<R°> Ergo referamus
laudes cum iubilo
patri filioque benedi-
camus domino.

<R° Maria te rogamus>

Amen.