1.
<V.> Ihesu dulcis mater bona
mundi salus et patrona
supernorum civium.
R° O Maria tu benigna
Christi consors atque digna
vocis nostris annue.
2.
V. Ad te flentes suspiramus
te gementes invocamus
Ewe proles misera.
3.
V. Regina tu pietatis
et tocius sanctitatis
flumen indeficiens.
4.
V. Spes reorum es Maria
redemptoris mater pia
electorum gloria.
5.
V. Statum nostre paupertatis
wltu tue maiestatis
clementer considera.
6.
V. Leti finis vite via
tibi triplex yerarchia
digna dat preconia.
7.
V. Ave gemma preciosa
supra solem speciosa
virginale gaudium.
8.
V. Virga Yesse tu florida
stella semper prefulgida
sydus vere lucis.
9.
V. Salva in te confidentes
salutari sicientes
potu nos reficiens.
10.
V. Pacem confer sempiternam
et ad lucem nos eternam
transfer post exilium.
