1.
<V.> Imperatrix gloriosa
plena laudum titulis.
V. Potens et imperiosa
canticis angelicis.
R° Iure commendaris
mater et regina
nato non gravaris
tuo nos consigna
virgo mater deo digna.
2.
V. Rosa vera sine spina
castitatis lilium.
V. Peccatorum medicina
salus es debilium.
R° Revoca errantem
ad viam veritatis
ad te proclamantem
gemma castitatis
templum sancte trinitatis.
3.
V. O dilecta preelecta
fer solamen miseris.
V. Castitate es electa
imple quod desidero.
R° Respice quod posco
mater dei veri
me peccasse nosco
miserere mei
consolatrix sancte spei.
