1.
<V.> Gaude quam magnificat
preeleccione
deus et sanctificat
in plasmacione.

2.
V. Cuius nos letificat
generacione
quam verbi deificat
incarnacione.

3.
V. Tua felix anima
tunc magnificavit
dominum et intima
virtus adimavit.

4.
Fide mens gratissima
plaudens iubilavit
laudeque dignissima
cor tripudiavit.

5.
V. Exultavit spiritus
tunc in salutari
illapso divinitus
modo singulari.

6.
V. Quem non valet penitus
ullus perscrutari
ac tamen medullitus
debet venerari.

7.
V. Te ancillam humilem
dominus respexit
filiam te nobilem
genitor provexit.

8.
V. Matrem virginabilem
dominus dilexit
sponsam fide stabilem
spiritus allexit.

9.
V. Ecce ex hoc deferunt
omnes naciones
et beatam referunt
generaciones.

10.
V. Eya digna vernula
que deo deorum
ministrasti sedula
tu sancta sanctorum

11.
V. Fac ut sine macula
in celo celorum
laudet te per secula
seculorum.