1.
<V.> Nunc clerici cantantes
iubilent resonantes
dulciter organa

<V.> Ihesum Christum laudantes
grates que referentes
decantent osanna.

R° Conanus cum esset
princeps sed paganus
Ursulam adamavit
que Christum adoravit
spernendo ydola.

2.
<V.> O mira genitura
in hac virgine pura
<de> de stirpe regia.

<V.> Legiones beavit
deoque dedicavit
undena milia.

R° Angelus apparens
docet per sompnia
ut virgo impetraret
Conanus expectaret
hanc per trienia.

3.
<V.> O laudabilis rosa
puella generosa
tantam familiam

<V.> sagaciter regendo
cantando et legendo
duxit Coloniam.

R° Sed furiosus princeps
tirranus perfidus
puellas iug<ula>vit
sagittis penetravit
ut canis rabidus.

4.
<V.> Illos de valle tristi
in synum Ihesu Christi
fert genz barbarica

<V.> Currunt agnum sequentes
in albis procedentes
cum laude celica.

<R°> Horum agminum ductrix
Ursula Florida
te petimus protectrix
cleri sis atque retrix
gemma prefulgida.