1.
<V.> O regina lux divina
pro me rogita

<V.> o formosa plus quam rosa
sensum visita

<R°> protege benigna
omni laude digna
tuum filium.

2.
<V.> Ave virgo me conserva
a vi demonum

<V.> ave dives archa Christi
tu princeps florum.

R° O vas deitatis
tu fons pietatis
manas largiter.

3.
<V.> Ave virgo pro me roga
tuum filium.

<V.> Ave mitis duci magni
consola reum.

R° Ave salus miseri
fructus tui uteri
est merces in celo.

4.
<V.> O suavis nulli gravis
prebe transitum

<V.> o decora plus aurora
post exilium.

R° Ut fruamur laude
det nobis hoc per te
dei filius.

R° Ne abs te desperet
qui tibi adheret
toto conamine.

5.
<V.> Ave vite via tuta
duc ad patriam.

<V.> Ave virgo celi scala
dona veniam.

R° O dux animarum
tu lux tenebrarum
lucens miseris.

R° In celesti curia
da mater et filia
eterna gaudia.

6.
<V.> O dilecta preelecta
mundi domina

<V.> o beata deo grata
celi regina

R° misserere mei
virgo mater dei
in exilio.

R° Ruant hostes anime
ne involuant tenebre
eam post obitum.