1.
<V.> Nunc angelorum gloria
hominibus
resplenduit in mundo
<V.> quam celebris victoria
recolitur
et corde letabundo.
R° Nowi partus gaudium
virgo mater produxit
et sol verus in tenebris illuxit.
<R° Hec ergo cum gaudio>
2.
<V.> Per magnum nomen domini
Emanuel
quod est nobiscum deus
<V.> culpe datur homini
remisio
letetur homo reus.
R° Redemptori domino
et redempti iubilemus
hec est dies et annus iubileus.
<R° Hec ergo cum gaudio>
3.
<V.> Pastores palam dicite
in Bethleem
quem genuit Maria
<V.> quem virtutes Uranice
concinebant
celestis armonia.
R° Lux de luce claruit
pace iam reformata
et genitrix permansit ylibata.
R° Hec ergo cum gaudio
festa celebremus
et ipsam cum parvulo
Mariam salutemus.
