1.
<V.> Collaudemus matrem domini
laudem demus sacre virgini
que peperit filium
regem humilium.

V. Hec preconcepta dudum fuerat
antequam mundum deus fecerat
mente divina
celi regina.

R° Regem es enixa
virgo manens fixa
thronus Salomonis
vellus Gedeonis
tu dei triclinium
candens lilium
casta asta pro nobis ante filium.

2.
V. Sole amicta in te depicta
sunt duodena clara sidera
venie vena
o vitis vera.

R° [the correct position of this R° is at the end of the first strophe]
Tu aurea urna
merces diurna
virga Aronica
spes que unica
vitam vivifica
sufragiis
aurora ora pro naufragiis.

V. Mitis puerpera per te vipera
est contrita salus reddita.
Mons pons fons
flos ros celi dos.

R° Stelliferis castris
cunctis et astris
tu dominaris
virgo singularis
nam letaris
in celestibus
socia nos supernis civibus.

R° Felix regis porta
nunquam aperta
in te reperta
sunt bona cuncta
suntque defuncta
in te crimina
res pres nobis es clemens domina.

3.
V. Portus in undis potus sitibundis
scutum tutum contra iacula
rivus vivus
ministrans vite pocula.

V. Virga arida nuncii gerula
viola florida salutifera
soli poli valida
hera vera.

R° Ornatum tuum natum
fac nobis placatum
quem carne tegis
tu filia regis
subveni miseris
in extrema hora
domina tu pro nobis ora.

<R° Tu sacratum manna>