1.
<V.> Benignam dignam laudibus
decet exaltare
que fructum vite omnibus
novit generare.
V. Impleta leta munere
merito exultavit
dum angelus dulcissime
piam salutavit.
R° O suavis navis fons
virgo tu es navis pons
portum da salutis.
R° Pietatis pacis fons
virgo tu es noster mons
donum fer salutis.
2.
V. Exulta multa gloria
virgo que singularis
nam regem regum fulgida
mater appellaris.
V. Te clamant amant iugiter
agmina sanctorum
collaudantes dulciter
reginam polorum.
R° Clare care rutillas
virgo tu scintillas
cunctis in salutem.
R° Obfuscare ne sinas
virgo tu ne sumas
servis tuis lucem.
3.
V. Caterva serva hominum
in te iocundamur
dum per dilectum unicum
natum liberamur.
V. Aurora ora filium
pulcerrima cunctorum
ut nobis donet premium
sortis beatorum.
R° Infinite vite flos
virgo tu es vite flos
gemma claritatis.
