1.
<V.> Ave mundi spes Maria
ave mitis ave pia
ave plena gracia.
Ave virgo singularis
que per rubum designaris
non passum incendia.
2.
V. Ave sponsa ave rosa
virgo nimis graciosa
ave Yesse virgula
cuius fructus benedictus
Ihesus Cristus nostri luctus
relaxavit vincula.
3.
V. Ave virginum lucerna
per quam luxit lux superna
hiis quos umbra tenuit.
Ave virgo de qua nasci
et de cuius lacte pasci
rex celorum voluit.
4.
V. Ave sydus lux dierum
mater lactans regem regum
genitorem filia.
Ave verbi sacra parens
per te viret mundus arens
per te datur venia.
5.
V. Mater regis et regina
de malorum nos sentina
perduc ad celestia.
Dele culpas o Maria
per te nobis detur via
ad eterna gaudia.
