1.
<V.> Ave virgo mater intemerata
paradisi lilium
genuisi filium
inviolata.
V. Rore perfusum vellus Gedeonis
te signavit Maria
in te lucet zophia
fons Salomonis.
R° Flos pudicicie
fons omnis gracie.
2.
V. Ave templum divine maiestatis
florens Aaron virgula
radiosa stellula
divinitatis.
V. Beatus venter tuus qui portavit
angelorum dominum
salvatorem omnium
quem mors expavit.
R° Es plena gracia
sine fallacia
3.
V. Maria porta iugiter serata
te salutat Gabriel
quam vidit Ezechiel
semper beata.
V. Dixit ave te solam concupivit
regum rex altissimus
filius nam dulcissimus
ex te prodiit.
R° Ut tu cum filio
in summo solio.
4.
V. Cum sanctis tuis conregnare mereamur
in celesti acie
deitatis faciem
intueamur.
V. Virgo sacra atque veneranda
presta hoc quod petimus
nam te audit filius
semper laudanda.
R° Cuius in dextera
gaudes in gloria.
