1.
<V.> Ave sanctissima regina
gracia divina
quam trina
beavit
ante nec post maiorem
creavit te.

V. Te rex regum deus deorum
<dierum> multorum
pro morum
virtute
sponsam in senectute
traxit ad se.

R° Mira res angelum emiserat
tantum placuisti
plena es gracia qui dixerat
verbo concepisti
virgo permansisti
dixisti
secundum
verbum tuum iocundum
fiat in me.

2.
V. Salve lux patrum prophetarum
glosa scripturarum
multarum
serata
porta perambulata
Ezechiel.

V. Sicut rubus non concrematus
Moysi flammatus
servatus
sic paris
mater nescia maris
per Gabriel.

R° Aaron arens virga floruit
non nature more
Gedeon vellus mire maduit
de celesti rore
sic salvo pudore
dolore
semoto
viro gignis ignoto
Emanuel.

3.
V. Salve Hester per te iudeum
salvas Mardocheum
rex regum
compendit
ferox Aman suspendit
pro scelere.

V. Iudit ut caput Olofernis
qui preest infernis
prosternis
volentem
superbe Iuda gentem
te quam perdere.

R° Salomon regis potentissimi
mater nunccupata
in Syon sedentis altissimi
dextris sociata
nobis advocata
Maria
virgo clemens et pya
nos protege etc.